Este Samaín vivimos unha xornada chea de ilusión, maxia e algún que outro susto na Escola de Pousada! 🕸️✨
Comezamos o día cunha cabaza xigantesca que pesamos e levamos directa a cociña para elaborar chulas de cabaza.
Mentres, decoramos os manteis para a merenda en comunidade e desprazámonos ata o baixo para desfrutar dunha incrible sesión de maxia do Mago Luis, que nos deixou coa boca aberta con cada truco 🪄. A continuación, puidemos probar o timbre terrorífico que chegou dende a BiblioCRA… e si, deu moito medo! 😱🔔
Despois chegou o momento de recuperar forzas cunha merenda terrorífica, preparada con moito cariño polas familias 🎃🍪🧃. Moitísimas grazas pola vosa colaboración! 💛
A mañá continuou con obradoiros de Samaín, nos que experimentamos con pasta monstruosa 🍝👾 e fixemos teares de castaña (ou mellor dito, teas de araña!) 🕷️.
Rematamos co conto terrorífico da Bruxa regañadentes para a volta a calma antes de ir a casa.
Foi un día cheo de risas, sustos e creatividade! Así da gusto celebrar o Samaín en comunidade. 🧡
Ningún comentario:
Publicar un comentario