Visita Seprona

 Hoxe recibimos na nosa escola a visita de Verónica, un membro da Garda Civil, acompañada do seu títere Corralito.

O alumnado nesta charla tivo a oportunidade de coñecer máis de preto o labor que realiza o SEPRONA, e da súa de función de protección cara ao medio ambiente, centràndose nas boas prácticas que axudan a conservar os bosques, así como daquelas accións que poden poñer en risco a nosa seguridade e a dos animais e das árbores.

È importante coñecer, valorar e coidar o noso medio dende as idades màis temperás.

INAUGURACIÓN DA NOVA CUBERTA

 Comenzamos o ano cun novo tellado na Escola:

O alumnado, moi implicado en todo o proceso de cambio, puido gozar esta semana dunha vista moi especial grazas ás imaxes gravadas con dron 🚁

Exposición do Proxecto ANTES e DESPOIS da cuberta da Escola 

Inauguración oficial coas autoridades: 

✨ Inauguración da nova cuberta da Escola de Pousada ✨ 

Inauguramos a nova cuberta da Escola de Pousada, unha actuación froito do traballo conxunto das administracións. O Concello encargouse da retirada da antiga cuberta, mentres que a Consellería asumiu a súa substitución, mellorando así as instalacións do centro.

No acto contamos coa presenza do director territorial de Educación, Don César Augusto Pérez Ares, do delegado provincial Agustín Reguera, do alcalde de Vilaboa César Poza, así como de concelleiros do Concello, entre eles Alberto Acuña.

O equipo docente e o alumnado da Escola de Pousada foron os encargados de amosar as instalacións e a exposición da obra, que inclúe os deseños da cuberta realizados polo propio alumnado, así como o debuxo da nova cuberta. Esta experiencia converteuse tamén nunha valiosa oportunidade de aprendizaxe para as nenas e os nenos, facéndoos partícipes de todo o proceso.