Cabaciña peteira!

 🎃🐔🔬 CIENCIA, CABAZAS E GALIÑAS...

Coa chegada do Samaín, é habitual decorar e baleirar cabazas nas escolas e tamén nas casas. Pero na nosa escola decidimos probar este ano un experimento✨. 

Comenzamos a pensar que si pelábamos un pouquiño os ollos, o nariz e a boca dunha cabaza… serían quen as galiñas da nosa veciña Rosa de rematar o traballo cos seus peteiros e conseguir a cabaza terrorífica que desexabamos?

Había que comprobalo! 🔍

🎃 Primeiro preparamos a cabaza, retirando un pouco da súa pel para deixar ao descuberto as partes da cara.

🌧️ Despois, ben equipadas e equipados para a choiva, fomos ata a casa de Rosa e deixamos a nosa cabaza á mercé das galiñas.

🐓 E agora tocaba observar, agardar e descubrir que sucedería...

E cando fomos recollela… TACHÁN! 🎉

✨ NON FOI MAXIA, FOI CIENCIA! ✨

As galiñas fixeran o seu traballo! Cos seus peteiros retiraron a parte máis branda da cabaza e axudáronnos a conseguir unha auténtica cabaza de Samaín! 🎃

Un experimento no que formulamos hipóteses, observamos, comprobamos resultados e descubrimos que a ciencia tamén pode estar nas cousas máis cotiás… e mesmo nun galiñeiro! 🧡

Grazas á nosa veciña Rosa e ás súas colaboradoras emplumadas por axudarnos nesta investigación tan especial! 🐔❤️

Semana de Samaìn!

 Comezamos a semana con maxia, misterio e moitas sorpresas de Samaín!

Hoxe recibimos os nenos e nenas nun ambiente cheo de misterio, preparado para dar comezo ás nosas propostas de Samaín. A aula transformouse nun escenario máxico e terrorífico no que a curiosidade e as gañas de descubrir foron as grandes protagonistas.

Ao longo da xornada, desfrutamos de diferentes propostas relacionadas con esta festividade: apócemas máxicas, experimentos sorprendentes, retos de lóxica, actividades de lectoescritura e propostas de coordinación óculo manual como por exemplo ataroar as arañas da arañeira. Cada actividade converteuse nunha oportunidade para explorar, experimentar, pensar e aprender xogando, sempre cun toque de maxia e misterio.

E, para rematar o día dunha maneira moi especial, recibimos a visita da Bruxa Regañadentes. Agardábanos na aula de arte, onde escoitamos o seu conto con moita atención e, a continuación, puxemos mans à obra debuxando a bruxa a partir da tècnica da descrición. Unha actividade estupenda para traballar a escoita, a comprensión e a expresión artística!

Pero isto non fixo máis que comezar… 

Ao longo desta semana agárdannos novas sorpresas terroríficas, misterios por descubrir e moitas aventuras de Samaín. 

Os chapeus das landras!

 Hoxe, como cada día na asamblea colocámonos na alfombra seguindo a posición dos nosos bonecos de asamblea, pero está vez puxèmoslle un accesorio novo, un chapeu ( sombreiro de landra) cada un elexindo o màis apropiado fixàndose nos tamaños, e colocàndoos con moita calma para no tirar os bonecos do resto. Despois, puxemos a traballar a nosa creatividade debuxándoos con moito agarimo.

Pero a aventura non rematou aí! Un compañeiro trouxonos un carballo para plantar no patio do cole, e decidimos darlle un lugar especial no que medrar. Entre todos e todas, escollemos o sitio axeitado, fixemos o burato, plantamos a árbore e sinalizamos o lugar para coidala e protexela como merece.

E, para rematar este día, merendamos ao redor do noso Carballo, compartindo un momento especial con el e sentindo que, desde hoxe, temos unha nova vida que coidar no noso patio.