Semana de Samaìn!

 Comezamos a semana con maxia, misterio e moitas sorpresas de Samaín!

Hoxe recibimos os nenos e nenas nun ambiente cheo de misterio, preparado para dar comezo ás nosas propostas de Samaín. A aula transformouse nun escenario máxico e terrorífico no que a curiosidade e as gañas de descubrir foron as grandes protagonistas.

Ao longo da xornada, desfrutamos de diferentes propostas relacionadas con esta festividade: apócemas máxicas, experimentos sorprendentes, retos de lóxica, actividades de lectoescritura e propostas de coordinación óculo manual como por exemplo ataroar as arañas da arañeira. Cada actividade converteuse nunha oportunidade para explorar, experimentar, pensar e aprender xogando, sempre cun toque de maxia e misterio.

E, para rematar o día dunha maneira moi especial, recibimos a visita da Bruxa Regañadentes. Agardábanos na aula de arte, onde escoitamos o seu conto con moita atención e, a continuación, puxemos mans à obra debuxando a bruxa a partir da tècnica da descrición. Unha actividade estupenda para traballar a escoita, a comprensión e a expresión artística!

Pero isto non fixo máis que comezar… 

Ao longo desta semana agárdannos novas sorpresas terroríficas, misterios por descubrir e moitas aventuras de Samaín. 

Os chapeus das landras!

 Hoxe, como cada día na asamblea colocámonos na alfombra seguindo a posición dos nosos bonecos de asamblea, pero está vez puxèmoslle un accesorio novo, un chapeu ( sombreiro de landra) cada un elexindo o màis apropiado fixàndose nos tamaños, e colocàndoos con moita calma para no tirar os bonecos do resto. Despois, puxemos a traballar a nosa creatividade debuxándoos con moito agarimo.

Pero a aventura non rematou aí! Un compañeiro trouxonos un carballo para plantar no patio do cole, e decidimos darlle un lugar especial no que medrar. Entre todos e todas, escollemos o sitio axeitado, fixemos o burato, plantamos a árbore e sinalizamos o lugar para coidala e protexela como merece.

E, para rematar este día, merendamos ao redor do noso Carballo, compartindo un momento especial con el e sentindo que, desde hoxe, temos unha nova vida que coidar no noso patio.

OUTONO E LECTOESCRITURA

Coa chegada do outono, enchemos a aula de follas, castañas, cabazas, millo e outros elementos naturais achegados polas familias. Con eles, realizamos un taller de lectoescritura no que a manipulación, a experimentación e o xogo nos permitiron aprender e descubrir novas palabras en lingua galega.

Ao longo das diferentes propostas, traballamos:

• Recortar follas con tesoiras e clasificalas por cores, desenvolvendo a coordinación óculo-manual, a precisión e a identificación das cores.
• Encher moldes con formas do outono utilizando culleres e pinzas sobre unha base sensorial, explorando texturas e fortalecendo a musculatura das mans.
• Trasladar castañas con pinzas, favorecendo a motricidade fina, a concentración e a coordinación dos movementos.
• Pintar un bodegón de outono, observando as formas e as cores dos elementos naturais e estimulando a creatividade e a expresión plástica.
• Colocar gomas arredor dunha cabaza, exercitando a coordinación das dúas mans e a destreza dos dedos.
• Debullar millo, traballando a forza manual e o vocabulario relacionado coa natureza.
• Crear unha composición de outono sobre un espello, experimentando coa disposición dos materiais, a organización espacial e a creatividade.
• Asociar palabras coa súa letra inicial, identificando grafías e sons e desenvolvendo a conciencia fonolóxica.
• Relacionar imaxes cos obxectos reais, reforzando a comprensión e a adquisición do vocabulario en galego.
• Compoñer palabras con letras móbiles, recoñecendo as letras e explorando a súa orde na construción das palabras.
• Manipular plastilina e utilizar selos con texturas de follas e formas do outono, estimulando a percepción táctil, a creatividade e a motricidade fina.

Todas estas experiencias contribúen á aprendizaxe da lectoescritura, pois preparar as mans para escribir, explorar os materiais, escoitar, nomear e ampliar o vocabulario son tamén pasos fundamentais neste proceso. A través de elementos próximos e significativos, achegámonos á lingua escrita dun xeito lúdico e motivador.

Moitas grazas ás familias pola súa colaboración e por traer á aula estes elementos naturais que fixeron posible crear un espazo cheo de oportunidades para experimentar, descubrir e aprender xuntos. 🍁