🌽 E CHEGOU O MILLO

Gracias a visita dunha familia de Barciela puidemos presentar o millo. Debullamos, fixemos fariña e peneiramos. Será xenial poder seguir empregandoo nas seguintes actividades. 

🍂🌰PRIMEIRA SAÍDA Á CONTORNA

 Demos un paseo pola contorna prestando moita atención os cambios de outono e a flora que fomos atopando. Recollemos follas das árbores para xogar a identifícalas e tamén froitos: castañas, noces… observamos moitas viñas, moito millo, castiñeiros, unha noceira, unha figueira, maceiras…. 

Unha gran experiencia como primeira saida na que tamén aproveitamos para recoller lixo e incidir en valores de coidado do medio. 

UVAS 🍇

Aproveitamos unha conversa espontánea sobre a vendimia para iniciarnos no traballo con froitos de outono e flora autóctona. 

Traballamos vocabulario propio como: vide, acio, viña, parra.. e tamén procesos relacionados coa vendimia: maquinaria que se emprega, pisado das uvas… 

Traballamos outros aspectos como o conteo, primeiro estimando… cantas uvas terá este acio? anotando e comprobando a nosa hipótese. Realizamos una actividade artística e sensorial e… non nos esquecemos de papar as uvas!! 

BENVIDA CURSO

Primeiros momentos, presentacions e reencontros con ilusion.